مريان نت 2 - بيان علقم - من عمان (البيت) الى لزرقاء (الجامعة الهاشمية) الى اربد (مسشتفى
الملك المؤسس عبدالله) ..حيث لاقت طالبتنا العزيزة كل
وسائل الاحترام في المواصلات ..وجميع سبل الراحة والرفاهية اثناء تقلها من والى والى ...
وعند وصولها الى مستشفى المقصود لاقت المعلمات البشوشات- البسمة *من الدان للدان- حيث كل معملة مستحيل تضحك للرغيف السخن و من كتر البسمة بتتلخبط ازا هي بسمة ولا كشرة.. وبعد ما ضاعت طالبتنا العزيزة في المستشفى اللي مكون من احدى عشر (11)طابق وضعها الاستاذ في قسم الانعاش لحتى تكمل دوام هاليوم فيه... حكالها راجعلكم بس ممنوع تفوتو الا وانتم لابسين جاون او بدلة ستريل ... وهون طالبتنا العزيزة عرفت امرين ..الامر الاول انه يجب ان تنتظر ساعة الا ربع حتى يوصلها الجاون * او البدلة المناسبة على قياسها والي بالاصل المسؤول حكالها عشر دقائق وبتوصل ... والامر الثاني انه عرفت بالزبط
بالزبط معنا الستريلتي * الي قصد فيها الاستاز ... على سيرة الاستاز ..انا والله ما شفته من بعد ما تركنا .. حد منكم شافه؟ ...
نرجع لغرفة الانعاش ..هون اول ما طالبتنا العزيزة دخلت الى الغرفة لاقت بوجهها 8 ممرضين (خمس ممرضات و ثلاث ممرضين) جالسين بصمت وهدوء فارغين الايدي و راسمين بسمة بتخوف بتشعرك بقيمة الجدية في الشغل وفي مدى سهولة التواصل والحكي معهم... طالبتا العزيزة توجهت بكل براءة للثمانية المذكورين اعلاه ..وبكل أدب واحترام ونظرة كلها أمل (في مجال تعملولنا اورينتيشن* ) ... هنا طالبتنا تفاجئت ..غريبة 8 ممرضين ما بيسمعو؟؟ ... ردت عادت السؤال وهالمرة بصوت اعلى ونبرة اقوى... (في مجال تعملولنا أورينتيشن؟؟؟ ) هنا احتارت طالبتنا من أمرين ..الامر الأول : 8 ممرضين يواجهون مشكلة في السمع ... الأمر الثاني :مدى رقي وأدب تعامل الممرضين الثمانية ........... يا حرام طالبتنا من صعوبة الموقف ومن هول الصدمة انه ( .....) الله لا يعيد هالموقف على حد..ما علينا طالبتنا تماسك نفسها وترددت في امرين ..الأمر الأول تسحب حالها و تطلع من القسم كله و تروح تشتكي للاستاذة.. الأمر الثاني : تعيد الطلب للمرة الثالثة وما تفقد اليأس بعد ما تذكرت البداية مشوارها الصعب في المواصلات و في وبسمة المدرسين ..... لو انت مكانها شو بتختارو؟؟
طالبتنا اختارت الامر الثاني بالرغم من موجة الغضب العصبية ولانه اذا اختارت الخيار الاول ف اكيد سينقلب الموضوع عليها وتطلع هي الغلطانة ... (بليز في مجال حد منكم يعمللنا اورينتشين , انتو 8 فاضيين وما رح ناخد من وقتكم كتير) ...هون جاوبها ممرض يدعى ادريس وممرضة تدعى (س) هي الممرض المسؤول عن القسم خليه هووو يعملك اورنتيشن .ولا هو مسؤول على الفاضي؟ وبدأت اصابع الاتهام والتبرئة تحوم بين الممرضين ..حيث حزن الممرض ادريس على حال الطالبة وخاف بنفس الوقت من غضب الطالبة وقرر هو يعمللها الاورنتيشن ..في اثناء ما سبق كان مريض صاحي من البينج بينادي سيستر انا مش شايف شايف غباش سيستر يا سيستر وينكو انا مش شايف ...؟ طالبتنا قلبها نفطر على حال المريض وحكتلو عمو هادا من اثر التخدير واذ باحدى الممرضات بتحكيلها لاااااا تحكي مع المريض ...ردت عليها الطالبة :بس ليه هو شايف بغباش؟ وهنا رجعت حالة الصمم الى الممرضة القديرة وجاوبها الممرض ادريس صحيح هادا من اثر البينج ..باين عليكي شطورة بس عصبية يا ام عصب *..... مضى اول يوم بالروتيشن بسلاسة وبنظرات حقد موجهة لطالبتنا من قبل الممرضات الحنونات ملائكة الرحمة و جوه المعلمات الجميلة التي تنم على مدى احترامهن الى طلابهن دعت طالبتنا بكل نية صادقة الله يبعدها عن قسوة القلب ...والله يكون بعونها بهادا الروتيشن رجعت طالبتنا الى نفس الموال من ..الى ..الى .. للعودة الى البيت, وللعودة للبيت حكاية اخرى ومغامرات اكثر تشويقا...
في النهاية ..أشكر كل الاشخاص المذكورين ... الى كل من رسم الابتسامة على وجهه وحملها شعارا ..الى الممرضات القديرات ملائكة الرحمة على اسلوبهن,تعاملهن,تعاونهن, والى معلماتي العزيزات اللواتي جعلنني احب التمريض اكثر واكثر واكثر...بارك الله في اعمالكم ..ولا تنسون كما تدين تدان ولو بعد حين ... ولا تنسو ايضا تبسمك في وجه اخيك صدقة ..ولا ننسى ايضا من تواضع لله رفعه ..
دروس وعبر وتجارب وحياة ... التمريض شو مخبيلنا كمان؟
معاني الكلمات
البسمة: الكشرة.
جاون: ثوب
ستيرل:معقم
اورينتشين:تعريف بالمكان
ام عصب:صفة مبالغة للعصبية.